भारतीय राज्य छत्तीसगढको बेमेत्रामा पिकअप गाडी रोकिराखेको ट्रकमा ठोकिँदा १० जनाको मृत्यु भएको छ। दुर्घटनामा २२ जना घाइते भएका छन्, जसमध्ये धेरै जनाको अवस्था गम्भीर छ।
बीबीसी हिन्दीका अनुसार बेमेटाराको पाथरा गाउँका करिब ३० जना मानिस पिकअपमा पारिवारिक समारोहबाट फर्किरहेका थिए। राति अबेर कठिया गाउँनजिकै पिकअप गाडी सडकमा रोकिराखेको ट्रकमा ठोक्किएको हो।
जिल्ला अधिकारीले भनेका छन्, ‘ठक्कर यति भयंकर थियो कि नौ जनाको घटनास्थलमै मृत्यु भयो।’
दुर्घटनामा १० जनाको मृत्यु र २२ जना घाइते भएको जिल्ला अधिकारीले बताए।
घाइतेहरूलाई स्थानीय जिल्ला अस्पतालमा भर्ना गरिएको र गम्भीर अवस्थाका चार जनालाई एम्स, रायपुरमा भर्ना गरिएको छ।
24
Shares
प्रतिक्रिया