युनिकोड
एसीसी प्रिमियर कप अन्तर्गत हङकङविरुद्धको खेलमा ललित राजवंशीले नेपाललाई चौथो सफलता दिलाएका छन्।
ललितले दशौँ ओभरको दोस्रो बलमा बाबर हायातलाई ६ रन बनाउँदा पेभेलियनको बाटो देखाए।
त्यसअघि करणले आफ्नो दोस्रो ओभरको पहिलो बलमा नै ओपनर मार्टिन कोट्जीलाई विकेटकिपर आशिफ शेखको हातबाट क्याच आउट गराए। उनी ८ रन बनाउँदा पेभेलिन फर्के।
अर्का अोपनर अंशी रथ ३४ रन बनाउँदा रन आउट भए। कप्तान निजाकत खान १२ रन बनाउँदा रन आउट नै भए।
ओमानको अल अमरेट क्रिकेट मैदान ए मा नेपालले टस जितेर फिल्डिङ रोजेपछि ब्याटिङ गरिरहेको हङकङले १० ओभरको समाप्तीमा ४ विकेटको क्षतिमा ७० रन बनाएर खेलिरहेको छ।
वर्षाका कारण मैदान चिसो हुँदा करिब १ घण्टा ढिला सुरु भएको खेल १८ ओभरमा छोट्टाइएको छ।
प्रतिक्रिया