ओपोद्वारा कलरओएस १२, ग्लोबल भर्जनको अनावरण

ओपोले आफ्ना विश्वभरका प्रयोगकर्ताका लागि आफ्नो नयाँ कलरओएस १२ सञ्चालन प्रणालीको आधिकारिक घोषणा गरेको छ।

प्रयोकर्तालाई स्टक एण्ड्रोइड १२को जस्तै अभूतपूर्व अनुभव प्रदान गर्ने सोचका साथ कलरओएस १२मा समावेशी यूआई, सटीक परफरमेन्स, दैनिक कार्य सम्पादन क्षमतामा बृद्धिका साथै काम—दैनिकी सन्तुलनमा सघाउने फिचर्सहरु पनि समाहित गरिएको ओपोले जनाएको छ।

सार्वजनिक गरिएसँगै ओपोले कलरओएस १२ पब्लिक बिटा आफ्ना वैश्विक प्रयोगकर्ताका लागि उपलब्ध गराएको छ। यससँगै ओपो, एण्ड्रोइड १२ प्रयोगमा ल्याउने पहिलो मध्यका ओइएमहरु मध्ये एक बनेको छ। पहिलो चरणमा ईन्डोनेसिया, थाईल्यान्ड र मलेसियामा फाइन्ड एक्सथ्री प्रो मार्फत उपलब्ध गराइने यस प्रणालीलाई क्रमबद्धरुपमा अन्य देश तथा क्षेत्रमा आउँदा महिनाहरुमा उपलब्ध गराउँदै लैजाने ओपोको योजना रहेको जनाइएको छ।

समावेशीता प्रमुख केन्द्रको विषय
६८ देशमा आफ्नो उपस्थितीसँगै, ४४० मिलियन प्रयोगकर्ताका जीवनको अभिन्न अंगका रुपमा कलरओएस १२को निर्माण गरिँदा समावेशीतालाई ओपोले विशेष प्राथमिकताको विषयका रुपमा राखेको छ।

ओपोको ईन्फाइनाइट डिजाइन कन्सेप्टमा आधारित भई हल्कापन, सफा र परिमार्जनका लागि लचिलोपन लगायत गुण सहितको नयाँ ओएसले अझ समावेशी अनुभव प्रदान गर्नुका साथै यसमा विभिन्न भाषा तथा संस्कृति मैत्री, सरल आईकन्स, एनिमेशन्स र सूचनामूलक फ्रेमवर्कका साथै विभिन्न फोनको फरम्याट्सका अनुसार अनुकूलनीय ढाँचापनि प्रदान गरिएको छ।