राष्ट्रिय बीमा संस्थानको बीमा शुल्क ५० करोडले बढ्यो

राष्ट्रिय बीमा संस्थानले गत वर्षको तुलनामा यो वर्ष ५० करोड बढि बीमा शुल्क संकलन गरेको छ।

चालू आर्थिक वर्षको ९ महिना अवधीमा ७ अर्ब २७ करोड ६४ लाख रुपैयाँ खुद बीमा शुल्क आर्जन गरेको तथ्यांक सार्वजनिक गरेको छ। 

गत वर्षको सोही अवधीमा कम्पनीले ६ अर्ब ७७ करोड २८ लाख रुपैयाँ  बीमा शुल्क आर्जन गरेको थियो। गत आर्थिक वर्षको तुलनामा कम्पनीको खुद बीमा शुल्क ७ दशमलव ४३ प्रतिशतले बढेको कम्पनीले जारी गरेको विवरणमा उल्लेख छ। 

चालु आर्थिक वर्षको ९ महिनामा कम्पनीले ४ करोड ९६ लाख रुपैयाँ  नाफा कमाएको छ। गत आर्थिक वर्षको सोही अवधिमा संस्थानको नाफा ४ करोड ८६ लाख रुपैयाँ थियो। गत आर्थिक वर्षको तुलनामा कम्पनीको  नाफा २ दशमलव १५ प्रतिशतले बढेको हो।