युनिकोड
अग्रणी अनलाइन शिक्षा प्रदायक माई सेकेन्ड टिचरले नेपालमा राष्ट्रिय परीक्षा बोर्डको लागि पाठयक्रम सहयोग गर्न उत्कृष्ट डिजिटल अध्ययन सामग्रीहरू उपलब्ध गराउन सुदूर पश्चिमाञ्चल एकेडेमी (एसपीए) सँग साझेदारी गरेको छ।
बुधबार एसपीए कलेजलाई नेपालको पहिलो सुदूरपश्चिम माई सेकेन्ड टिचर नेपाल स्मार्ट स्कूलको रूपमा तोक्दै सम्झौतापत्रमा हस्ताक्षर गरिएको हो।
माई सेकेन्ड टिचर ५० देशहरूमा उपस्थित ग्लोबल एडुटेक प्लेटफर्म हो। यसले नेपाल पाठयक्रम विकास केन्द्रको पाठयक्रमहरू ३ हजार ५ सयभन्दा बढी भिडियोहरूमा पंक्तिबद्ध गरेको छ जसको प्रयोगबाट विद्यार्थीहरूले उनीहरूको अध्ययन तथा परीक्षामा राम्रो गर्न मद्दत गर्दछ।
विद्यार्थीहरूले माई सेकेन्ड टिचरको अन्तर्क्रियात्मक भिडियोहरू, निदान रिपोर्टहरू, परीक्षण पत्रहरू, र अन्य उपकरणहरूको मद्दतले आफ्नो प्रगति र अध्ययनलाई सफलतापूर्वक मापन गर्न सक्छन्।
एसपीए कलेजका प्रधानाध्यापक सुवास शाहीले विद्यार्थीहरुका लागि सिकाइ अनुभव बढाउन माई सेकेन्ड टिचरसँग साझेदारी गर्न पाउँदा उत्साहित रहेको बताए।
उनले भने, ‘राष्ट्रिय परीक्षा बोर्ड पाठयक्रमसँग पंक्तिबद्ध शैक्षिक सामग्रीहरूको बृहत संग्रहले हाम्रा विद्यार्थीहरूलाई शैक्षिक उत्कृष्टता हासिल गर्न निःसन्देह फाइदा पुर्याउँछ।’
उच्च क्षमताको शिक्षा प्रदान गर्ने सम्मानजनक लक्ष्यका साथ स्थापना भएको एसपीए कलेज प्रदेशकै उत्कृष्ट शैक्षिक प्रतिष्ठानमध्ये एक बनेको उनले दाबी गरे।
त्यस्तै आईएनजीका संस्थापक अध्यक्ष सुलभ बुढाथोकीले विद्यार्थीहरूलाई उनीहरूको पूर्ण क्षमतामा पुग्न र शैक्षिक रूपमा फस्टाउन आवश्यक शैक्षिक समग्री र उपकरणहरू प्रदान गर्ने आशा गरेको बताए।
आइएनजी नवीनतम तरिकाको शिक्षामार्फत जीवन परिवर्तन गर्ने र समग्र समाजलाई सुधार गर्न प्राविधिक विकास र व्यावहारिक, पेशा–केन्द्रित शिक्षा प्रयोग गर्न समर्पित रहेको उनको भनाइ छ।
साझेजारीले एसपीए कलेजका विद्यार्थीहरूलाई उत्कृष्ट शिक्षा सामग्री र अत्याधुनिक शिक्षण प्रविधिहरूमा पहुँच पुर्याएर डिजिटल युगमा सफलताको लागि तयार गर्नेछ। यस कार्यक्रमले उच्च गुणस्तरीय, सजिलै पहुँचयोग्य शिक्षा प्रदान गर्ने र विद्यार्थीहरूलाई उनीहरूको पूर्ण क्षमतामा पुग्न सक्षम बनाउने प्रतिबद्धता व्यक्त गरिएको छ।
प्रतिक्रिया