कञ्चनपुरको भीमदत्त नगरपालिकाको मतगणना अझै सुरु हुन सकेको छैन। सर्वदलीय बैठकमा सहमति नजुटेपछि अझै मतगणना सुरु हुन नसेको हो।
भीमदत्त नगरपालिका वडा नं २ को मतगणना गर्ने क्रममा एक सय मत पत्र भनी खोलिएको पोकामा एक सय २० मतपत्र भेटिएपछि विवाद भएको थियो। दिउँसो १२ बजे पछि मतगणना रोकिएको छ।
नेपाली कांग्रेसबाहेक अन्य दलहरुले मतदान प्रक्रिया पुनः गर्नुपर्ने माग सारेको बैठकमा सहभागी माओवादीका एक नेताले जानकारी दिए।
‘सहमति छुट्न सकेको छैन, हामीले मतदान पुनः गर्नु पर्ने भनिरहेका छौँ,’ ती नेताले भने, ‘निर्वाचनका साथीहरुले त्यस्तो गर्न सकिदैन भनेका छन्। त्यसैले कुरा नमिले पछि अहिले बैठक पनि केहीबेरका लागि रोकिएको छ।’
भीमदत्तमा मेयर र उपमेयरमा नेपाली कांग्रेसले अग्रता लिइरहेको छ।
129
Shares
प्रतिक्रिया