नेकपा (एमाले)का अध्यक्ष केपी ओलीको गृह नगर झापाको दमकमा प्रमख पदमा रोमाञ्चक प्रतिस्पर्धा चलिरहेको छ।
दमकमा जारी मत गणनामा कहिले एमालेका उम्मेदवार अगाडि त कहिले गठबन्धनका उम्मेदवार अगाडि हुने क्रम चलिरहेको छ।
वडा नम्बर १, २, ३, ८, ९ र १० को मत परिणाम सार्वजनिक हुँदा अहिले गठबन्धनका उम्मेदवार राम थापा मेयर पदमा १५ मतले मात्रै अघि भएका छन्।
०७४ को अंकगणित
केपी ओलीको गृहनगर दमकमा नेकपा एमालेका तर्फबाट मेयरमा गीता पौडेल अधिकारी उठेकी छिन् । उनको प्रतिद्वन्द्वीका रुपमा काँग्रेस–माओवादीको गठबन्धनले साझा उम्मेदवारका रुपमा राप्रपा नेता राम थापालाई मेयरमा उठाएको छ ।
अघिल्लो चुनावमा एमालेका रोमनाथ ओलीले १० हजार ८०६ मत ल्याएका थिए भने राप्रपाका राम थापाले ७ हजार ६ सय ५५ मत पाएका थिए । अहिले ६८ सय मत ल्याउने माओवादी र ५५ सय मत ल्याउने काँग्रेसले मेयरमा उनै राम थापालाई सघाएको छ ।
राप्रपाले ०७४ मा यहाँका १० वटा वडामध्ये वडा नम्बर १ र वडा नम्बर ७ मा जितेको थियो । बाँकी आठै वडा एमालेले जितेको थियो । वडा नम्बर ७ मा एकजना दलित महिला सदस्य पनि राप्रपाले राप्रपाले जितेको थियो ।
Shares
प्रतिक्रिया