रौतहटको मौलापुर नगरपालिकामा नेकपा एमाले विजयी भएको छ। एमाले नगरपालिकाको प्रमुख र उपप्रमुखमा विजयी भएको हो।
रिनाकुमारी साह नेकपा एकीकृत माओवादीका रामप्रवेश राय यादवलाई पराजित गर्दै नगर प्रमुखमा विजयी भएकी छन्।
उनले ५ हजार ५६४ मत ल्याउँदा यादवले ३ हजार ६३ मत पाएका छन्। यस्तै उपप्रमुखमा एमालेकै नगेन्द्रप्रसाद यादव विजयी भएका छन्।
उनले ४ हजार ९१४ मत पाएका छन्। कुल ९ वडा रहेको मौलापुरमा एमाले एक्लैले ६ वडा जितेको छ।
मौलापुरमा नेकपा एकीकृत समाजवादीले १ र माओवादी केन्द्रले १ वडाध्यक्ष जितेको छ।
मौलापुर नगर प्रमुखमा निर्वाचित रिना एमाले नेता प्रभु साहकी श्रीमती हुन्। उनी यसअघि पनि नगर प्रमुख थिइन्। प्रभु एमालेमा लागेपछि माओवादीले रिनालाई कारवाही गरेको थियो।
तर, यो निर्वाचनमा उनी माओवादीलाई नै पराजित गरेर पुनः नगर प्रमुख बनेकी छन्।
Shares
प्रतिक्रिया