युनिकोड
कञ्चनपुरको कृष्णपुर नगरपालिकाको मेयर र उपमेयर दुवैमा नेपाली कांग्रेसले अग्रता कायमै राखेको छ।
१५ हजार २३७ मत गन्दा मेयरमा कांग्रेसका हेमराज ओझाले ५ हजार १२९ र उपमेयरमा द्रोपती रानाले ४ हजार ९४५ मतसहित अग्रता बनाएका छन्।
निर्वाचन अधिकृतको कार्यालयले दिएको जानकारी अनुसार मेयरमा पछ्याइरहेका एमालेका लोकेन्द्र प्रसाद पन्तले ४ हजार ४२९ मत प्राप्त गरेका छन्। उपमेयरमा एमालेकी रमिता रानाले ४ हजार ५६७ मत प्राप्त गरेकी छन्।
यस्तै मेयरमा माओवादीका जोगराज चौधरीले ३ हजार ७५९ र उपमेयरमा गीता मल्ले ३ हजार ५०३ मत प्राप्त गरेकी छन्।
९ वडा रहेको कृष्णपुर नगरपालिकाको वडा नम्बर १, २, ३, ८ र ९ को मतगणना सकिएको छ। अहिले वडा नम्बर ४ र ७ को गणना भइरहेको छ।
प्रतिक्रिया