युनिकोड
नेपाली फिल्म ‘कौसीद’मा समावेश गीत सार्वजनिक भएको छ। हालै सार्वजनिक गरिएको ‘नझर्थे र आँसु’ बोलको गीत मार्मिक सुनिन्छ।
अभिनेत्री ऋचा शर्माको मुख्य भूमिका रहेको यो फिल्म यही असोज २६ गतेबाट प्रदर्शनमा आउँदैछ।
गीतले सुख र दुःखले मिश्रीत दैनिकीको भाव बोल्छ। आफ्नो पीडा भुलेर अरुको खुसीको लागि संघर्षरत एक शिक्षकको कथा गीतमा बुनिएको छ।
उक्त गीतमा स्वर र संगीत पहिलो नेपाल आइडल बुद्ध लामाको छ। शब्द लक्ष्मण बानियाँले लेखेका छन्।
फिल्म ‘कौसीद’मा ऋचा सँगै कलाकार भोलाराज सापकोटा, रुपेश दाहाल, परिक्षित विक्रम राणा, सदीक्षा गौतम, निर्भिक भट्टराई र सन्दीप लोहनी मुख्य भूमिकामा देखिने छन्।
केदार भुसालको निर्माणमा तयार भएको यो फिल्मको कार्यकारी निर्माता दिमेश श्रेष्ठ र सह–निर्माता लक्ष्मण बानियाँ हुन्।
यो फिल्मको कथा लेखन नवविजय प्रकाश श्रेष्ठ र धिर्जन थपलियाले गरेका छन्। निसाल पौडेलले छायांकन गरेको फिल्ममा भिम विश्वकर्माको सम्पादन छ।
प्रतिक्रिया