‘महाराजधिराज’मा भित्रिइन् केकी अधिकारी

फिल्म ‘महाराजधिराज’मा केकी अधिकारी अनुबन्धित भएकी छिन्। उनी फिल्ममा ‘महारानी’को भूमिकामा देखिनेछिन्।

‘महाराजधिराज कि महारानीलाई सु–स्वागतम्। यहाँको उपस्थिति र हौसलाका निम्ति म हृदयदेखि नै कृतज्ञ छु’ ,‘महाराजधिराज’का प्रस्तुतकर्ता विराज विष्टले  भने। 

तीन दिनअगाडि आफ्नै चलचित्र ‘स्टेशन’ घोषणा गरेकी केकी ‘महाराजधिराज’मा अनुबन्ध भएकी हुन्। केकीको प्रवेशसँगै यो सिनेमा थप बलियो बन्ने पक्का भएको यसको लाइनअपले देखाएको छ ।

केही दिनअगाडि मात्रै यस चलचित्रको मुख्य भूमिकामा पुष्प खड्का अनुबन्धित भएका थिए। निर्माण पक्षले नयाँ वर्षको अवसर पारेर पुष्पलाई मुख्य भूमिकामा अनुबन्ध गरेको जानकारी दिँदै चलचित्रको पोस्टर समेत सार्वजनिक गरेको थियो ।