युनिकोड
पोखरामा एक व्यक्तिले आफ्नै श्रीमतीको बीभत्स हत्या गरेका छन्।
कास्कीको अन्नपूर्ण गाउँपालिका-९, नौडाँडा घर भइ हाल पोखरा-८, कुँवरटोलमा डेरा गरी बस्ने ४२ वर्षीय जवरसिंह कुँवरले बुधबार मध्यान्न १२ः१० बजेतिर ४० वर्षीया श्रीमती राधिका कुँवरको हत्या गरेको कास्की प्रहरीले जनाएको छ।
सामान्य विवादका बीच निजले श्रीमतीको घाँटी र पेटमा खुकुरी प्रहार गरेको पाइएको प्रहरीको भनाइ छ।
खुकुरी प्रहारबाट घाइते राधिकालाई गण्डकी स्वास्थ्य विज्ञान प्रतिष्ठान पठाइएकोमा डाक्टरले उनलाई मृत घोषित गरेका थिए।
श्रीमान् र श्रीमतीबीच लामो समयदेखि विवाद रहँदै आएको र आज पनि त्यही विषयमा विवाद भएको हुनसक्ने छिमेकीले बताएका छन्।
उनीहरूका एक छोरा छन्। जवरसिंहलाई नियन्त्रणमा लिएको र अनुसन्धान थालिएको पनि प्रहरीको भनाइ छ।
प्रतिक्रिया