ग्लोबल


फाइजरको काेराेना खोप बालबालिकामा ९१ प्रतिशत प्रभावकारी

फाइजरको काेराेना खोप बालबालिकामा ९१ प्रतिशत प्रभावकारी

नेपालखबर
कात्तिक ६

फाइजरले विकास गरेको कोभिड–१९ विरुद्धको खोप बालबालिकामा लक्षणसहितको संक्रमण नियन्त्रणका लागि ९१ प्रतिशत प्रभावकारी पाइएको छ। शुक्रबार सार्वजनिक गरिएको अध्ययनको नतिजाअनुसार पाँचदेखि ११वर्ष उमेर समूहमा पनि यो खोप निकै प्रभावकारी देखिएको हो। 

अमेरिकाले यो उमेर समूहमा पनि खोप कार्यक्रम सुरु गर्ने तयारी गरिरहेको समयमा यो नतिजा सार्वजनिक भएको हो। 

आगामी महिनाबाट अमेरिकामा बालबालिकालाई पनि कोरोना खोप लगाउन सुरु हुनेछ। आगामी साता अमेरिकाको फुड एण्ड ड्रग एड्मिनिस्ट्रेसनले सार्वजनिकरुपमा यो खोपलाई अनुमति दिने वा नदिने भन्ने निर्णय गर्नेछ।

यसअघि नै यो खोप १२ वर्ष वा सोभन्दा बढी उमेरका मानिसमा प्रयोगको अनुमति दिइसकिएको छ। 

फाइजरले दुई हजार २६८ बालबालिकालाई खोपको परीक्षणमा सहभागी गरेको थियो। उनीहरुलाई तीन साताको अन्तरमा दुई डोज खोप दिइएको थियो। यसअघि १२–१८ वर्ष उमेर समूहमा पनि फाइजरको खोप ९३ प्रतिशत प्रभावकारी पाइएको थियो। 

कात्तिक ६, २०७८, शनिबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin: [email protected]
News: [email protected]

विज्ञापनका लागि सम्पर्क

+977 9851081116
[email protected]

जीवन बस्नेत
अप्रेसन म्यानेजर
सुरेन्द्र रिजाल
निर्देशक, अटो संस्करण
सविन पोखरेल
लेखा प्रमुख
ललिता तामाङ
कार्यालय सहयोगी

नेपालखबर टीम


Copyright © 2021 Nepalkhabar. All Rights Reserved. Designed by Curves n' Colors. Powered by .