युनिकोड
अमेरिकाको न्युयोर्कस्थित एक सुपरमार्केटमा भएको गोली प्रहारबाट शनिबार राती कम्तीमा १० जनाको मृत्यु भएको छ भने तिनजना घाइते भएका छन्।
न्युयोर्कको बफेलो सुपरमार्केटमा गोली चलेको हो। मृतक सबैको टाउकोमा ताकेर गोली हानेको पाइएको अन्तराष्ट्रिय सञ्चार माध्यमले जनाएका छन्।
एक बन्दुकधारीहरुले सुपरमार्केटमा अन्धाधुन्ध गोली चलाएका हुन।
बन्दुकधारी युवा न्युयोर्कका स्थानीय नभएको खुलेको छ। उनी घन्टौं टाढाबाट गाडीमा आएको प्रहरीले बताएको छ।
गोली चलाउँदा उनले कालाजातिविरुद्ध नारा लगाउदै अनलाइनमा लाइभ गरेको पाइएको प्रहरीले जनाएको छ।
घटनामा सम्लग्न रहेको आशंकामा स्थानीय प्रहरीले एक युवालाई नियन्त्रणमा लिएको छ।
उनले आफुलाई गोरा जातिका मानिस भनेर चिनाएका छन्। प्रहरीले उनको पहिचान अहिलेसम्म खुलाएको छैन।
प्रतिक्रिया