इमरान खानको रिहाइ माग गर्दै निकालिएको जुलुसमा गोली चल्यो

जेलमा रहेका आफ्ना नेता तथा पूर्वप्रधानमन्त्री इमरान खानको रिहाइ माग गर्दै आन्दोलनमा उत्रिएका पाकिस्तान तहरिक-ए-इन्साफ (पीटीआई) का कार्यकर्ताहरूको विरोध जुलुसमा गोली चलेको छ।

खैबर पख्तुनख्वाबाट मंगलबार इस्लामावादको डी चोकमा पुगेका पीटीआई कार्यकर्ता/समर्थकको भीडमा गोली चल्दा ६ जना घाइते भएका छन्। 

बीबीसी हिन्दीका अनुसार घाइते सबै पीटीआई प्रदर्शनकारी हुन्। तर गोली कुन ठाउँबाट र कसले चलाएको हो भन्ने खुल्न सकेको छैन। 

घाइतेहरूलाई उपचारका लागि पोलीक्लिनिक अस्पताल लगिएको डीचोकमा कार्यरत प्रहरी अधिकृतले बताएका छन्। 

हाल डी चोकमा प्रहरी र रेन्जरका जवान तैनाथ गरिएको ती अधिकारीले जानकारी दिए।