बुटवल उपमहानगपालिकाले तीन दिनभित्र सडकका फुटपाथ खाली गर्न आग्रह गरेको छ।
आज एक सूचना जारी गरि उपमहानगरले सडक क्षेत्राधिकारभित्र अव्यवस्थित रुपमा रहेका निर्माण सामाग्री तथा पसल हटाउन भनेको हो।
गोलपार्कदेखि योगिकुटिसम्म र रामनगरदेखि तामनगरसम्मका सडक क्षेत्रमा रहेका संरचना हटाउन सूचना मार्फत आग्रह गरिएको हो।
‘सफा, सुन्दर र बस्नयोग्य बुटवल शहर बनाउनका लागि गोलपार्कदेखि योगीकुटी, रामनगरदेखि तामनगरसम्म र भित्री सडकहरु समेतमा सडकको क्षेत्राधिकार, सडक पेटी चोक चौराहामा अव्यवस्थित रुपमा रहेका ठेला, टंकी, बजार, निर्माण सामग्री, सवारीपार्किङ, वर्कसप लगायतका सामानहरु राखि अवरोध गर्ने गरेको देखिएकोले आजका मितिले ३ दिन भित्र खाली गरिदिनुहुन अनुरोध छ’ उपमहानगरपालिकाका अधिकृत डोलराज पौडेलद्वारा जारी सूचनामा भनिएको छ।
Shares
प्रतिक्रिया