यो हप्ता हङकङमा चिसो बढ्ने अब्जर्भेटरीले जनाएको छ।
अब्जर्भेटरीका अनुसार आइतबारको तापमान न्यूनतम १६ देखि अधिकतम २१ डिग्री सेल्सियसको बीचमा रहनेछ। अहिले बेलुका ७ बजेकाे तापमान १९ डिग्री सेल्सियस वरिपरि रहेको छ।
तर, उत्तरी हावाको प्रभावका कारण सोमबार तापक्रम १० डिग्रीमा झर्ने र मंगलबारको न्यूनतम तापक्रम ७ डिग्री पुग्ने अब्जर्भेटरीको अनुमान छ।
चिसो मौसम अनुमान गरेभन्दा चाँडो आएको र उच्च भू-भागमा हिउँ समेत पर्न सक्ने मौसमविद्ले बताएका छन्।
‘मंगलबार अत्यन्त चिसो हुनेछ। केही ठाउँमा पानी पर्न सक्छ,’ अब्जर्भेटरीलाई उद्धृत गर्दै एससीएमपीले लेखेको छ, ‘तापमान सहरी क्षेत्रमा ७ डिग्रीको हाराहारी र न्यु टेरिटोरिजमा यो भन्दा कम्तीमा २ डिग्री कम हुनेछ।’
मंगलबार समग्र हङकङको तापक्रम न्यूनतम ७ देखि अधिकतम १० डिग्री, बुधबार ८ देखि १२ र बिहीबार न्यूनतम ११ देखि अधिकतम १६ डिग्री सेल्सियस रहने अब्जर्भेटरीको अनुमान छ।
बिहीबारपछि पनि तापक्रम विस्तारै बढ्दै जाने अब्जर्भेटरीले जनाएको छ।
Shares
प्रतिक्रिया