हङकङ : बिदा मनाउन जुवा खेलिरहेका ९ जना पक्राउ

नयाँ वर्षको बिदा मनाउन सडकमा जुवा खेलिरहेका ९ जनालाई हङकङ प्रहरीले पक्राउ गरेको छ। यतिखेर हङकङमा लुनार न्यु इयर चलिरहेको छ।

पक्राउ परेका १८ देखि ५४ वर्ष उमेर समूहका पुरुषमध्ये एक जना स्थानीय र अन्य चिनियाँ रहेको प्रहरीले जनाएको छ।

पक्राउ परेका १८ वर्षीयलाई ओभरस्टेको समेत प्रहरीले आशंका गरेको छ।

हङकङमा अवैध जुवा खेल्नेलाई अधिकतम ९ महिनाको जेल सजाय र हङकङ डलर ३० हजार जरिवाना हुने कानुनी प्रावधान छ।

त्यस्तै, सडकमा गैरकानुनी कार्य सञ्चालन गरेमा दुई वर्षसम्मको जेल सजाय र हङकङ डलर ५० हजार जरिवाना हुन सक्छ।