उडानमा दिइने खानामा गम्भीर बन्न हङकङका एयरलाइन्सलाई सांसदहरूको आग्रह

क्याथे प्यासिफिकको काठमाडौँ-हङकङका दुई उडानमा यात्रुहरूलाई फुड पोइजनिङ भएपछि हङकङका विज्ञ तथा सांसदहरूले सहरमा सञ्चालित एयरलाइन्सहरूलाई उडानमा दिइने खाना स्वास्थ्य मापदण्डअनुरुप तयार गरिएको सुनिश्चित गर्न आग्रह गरेका छन्।

उनीहरूले उडानको समयमा खाना दिइनुअघि तापक्रम, ताजापन र गन्ध जाँच गर्न पनि अपील गरेका छन्।

गतहप्ता काठमाडौँबाट हङकङ आएका दुई उडानमा खानाकै कारण यात्रुहरू बिरामी परेपछि स्वास्थ्य अधिकारीहरूले अनुसन्धान सुरु गरेको सन्दर्भमा सांसदहरूबाट यस्तो प्रतिक्रिया आएको हो।

स्वास्थ्य सुरक्षा केन्द्र (सीएचपी) ले काठमाडौँ-हङकङ उडानका क्रममा भएको फुड पोइजनिङ महामारी विज्ञानसँग सम्बन्धित रहेको शुक्रबार बताएको थियो।

केन्द्रले उडानहरूमा प्रदान गरिएको खानाको नमूना सङ्कलन गरेको बताएको छ। जसमा रोटी, फलफूल, चुकन्दरको सलाद, चिकेन तथा मटन खाना र आइसक्रिमका साथै यात्रुहरूले विमानस्थलमा वा नेपालमा बोर्डिङ पास लिनुअघि खाएको खाना समावेश छ।

गएको बुधबार र बिहीबार क्याथेको उडान सीएक्स६४० मार्फत काठमाडौँबाट हङकङ आएका २५ यात्रु बिरामी परेका थिए। पछि यो संख्या ६ बढेर ३१ पुगेको थियो। (एससीएमपी)

• क्याथेको उडानमा काठमाडौँबाट हङकङ आएका २५ यात्रु बिरामी, ‘फुड पोइजनिङ’को आशंका

• काठमाडौँ-हङकङ उडानमा खानाका कारण यात्रु बिरामी परेपछि क्याथेले माग्यो माफी

• क्याथे उडानमा खाद्य विषाक्तता : काठमाडौँ-हङकङ उडानका थप यात्रु बिरामी, सलादमा लगायो सीएचपीले प्रतिबन्ध