युनिकोड
काठमाडौं महानगरपालिकामा तीनवटा स्थानको मतगणना रोकिएको छ।
शनिबार बिहानदेखि लगातार मत गन्ने काममा संलग्न कर्मचारी थाकेको भन्दै आइतवार सबेरै बिहान पाँचमध्ये तीन स्थानको गणना रोकिएको हो।
महानगरहरुको मतगणना अत्यन्तै सुस्त गतिमा भइरहेको छ। राष्ट्रिय सभागृह प्रदर्शनी मार्गमा अहिले पाँचवटा ठाउँमा मत गनिँदैछ।
आइतवार बिहान साढे २ बजे दिइएको अपडेटअनुसार त्यहाँ ३७२७ मत गनिएको छ।
त्यसबेलासम्म लौरो लिएर उठेका बालेन साह १२५४ मतसहित अगाडि छन्। उनलाई नेकपा एमालेका केशव स्थापितले ८७८ मतसहित पछ्याइरहेका छन्।
यहाँ नेपाली कांग्रेसकी सिर्जना सिंहले ७१९ मतसहित तेस्रो स्थान कायम गरेकी छन्।
प्रतिक्रिया