युनिकोड
रौतहटको गौर नगरपालिकाको प्रमुख र उपप्रमुख दुवैमा नेकपा एकीकृत समाजवादी विजयी भएको छ।
एकीकृत समाजवादीबाट प्रमुखका उम्मेदवार शम्भु साह ६ हजार ३ सय ८१ मतसहित विजयी भएका हुन्।
नगर प्रमुखका प्रतिस्पर्धी लोकतान्त्रिक समाजवादी पार्टीका उम्मेदवार अजय कुमार गुप्ताले ३ हजार ७ सय ५५ मत प्राप्त गरेका छन्।
कांग्रेसका उम्मेदवार मोहन कुमार यादव ३ हजार २ सय ११ मतसहित तेस्रो र एमालेका उम्मेदवार अनिल कुमार मिश्र ८ सय १७ मतसहित चौथो स्थानमा छन्।
उपप्रमुख पद पनि जितेकी समाजवादीका उम्मेदवार शैल कुमारी साहले ४ हजार ८ सय ९ मत ल्याइन्।
उनकी प्रतिस्पर्धी कांग्रेसकी शाहजान खातुनले ३ हजार ६ सय ८५ मत ल्याएकी छिन्।
यो नगरपालिका एकीकृत समाजवादीका अध्यक्ष माधव नेपालको गृहनगर हो।
यहाँका ९ वटा वडामध्ये ६ वटामा एकीकृत समाजवादीले जित निकालेको छ। स्वतन्त्र १, कांग्रेस १ र लोसपाले १ वडाअध्यक्ष जितेका छन्।
प्रतिक्रिया