सत्तारुढ गठबन्धनको सिट संख्या बाँडफाँटका लागि बनेको कार्यदलको दोस्रो बैठक आज बस्ने भएको छ। प्रधानमन्त्री निवास बालुवाटारमा अपरान्ह ४ बजे बैठक बस्ने तय भएको हो।
कार्यदलको पहिलो बैठक गत २४ असारमा बसेको थियो। नेपाली कांग्रेसका नेता कृष्ण सिटौलाको संयोजगत्वमा ११ सदस्यीय कार्यदल गठन भएको थियो।
यसअघि बसेको बैठकमा देशका सबै निर्वाचन क्षेत्रमा गठबन्धन एकसाथ गर्नेगरी समझदारी बनेको एक नेताले जानकारी दिएका छन्। ती नेताका अुनसार आज बस्ने बैठकमा सिट संख्याको बारेमा छलफल हुने छ। यसअघि नै बाँडफाँट गर्दा लचक हुने समझदारी बनेको छ।
कार्यदलमा नेपाली कांग्रेसबाट ३, माओवादी केन्द्रबाट २, नेकपा एकीकृत समाजवादीबाट २, जनता समाजवादी पार्टीबाट २ र राष्ट्रिय जनमोर्चाबाट २ जना सदस्य रहेका छन्।
कार्यदलमा कांग्रेसबाट कृष्णप्रसाद सिटौला, महामन्त्री गगनकुमार थापा र ज्ञानेन्द्रबहादुर कार्की छन्।
त्यस्तै, माओवादीबाट वर्षमान पुन र जर्नादन शर्मा, नेकपा एकीकृत समाजवादीबाट प्रमेश हमाल र बेदुराम भुसाल, जनता समाजवादी पार्टीबाट रामसहाय यादव र रकम चेम्जोङ तथा राष्ट्रिय जनमोर्चाबाट हिमलाल पुरी र आनन्द शर्मा सदस्य छन्।
याे पनि:
- पाँच दलले सिट मिलाउन कार्यदल बनाउने, गठबन्धनभित्रै उपगठबन्धन बनाउन पाइने
- पाँचदलीय गठबन्धन सिट बाँडफाँट कार्यदलको बैठक बालुवाटारमा
- सिट बाँडफाँटबारे कांग्रेस नेतृत्वले गर्यो कार्यदल सदस्यसँग छलफल
- सिट बाँडफाँट कार्यदलको बैठकअघि बालुवाटारमा जुटे कांग्रेसका शीर्ष नेता
- कार्यदलले साउन मसान्तभित्रै सिट बाँडफाँटको प्रस्ताव पेश गर्नुपर्ने
- सिट बाँडफाँटको कार्यदल संयोजकमा सिटौला
Shares
प्रतिक्रिया