युनिकोड
नेकपा एमालेका सांसद पदम गिरीले सत्ता गठबन्धनले विवादित नागरिकता विधेयक जारी गरेर देश डुबाउने खेल गरिरहेको बताएका छन्।
राष्ट्रपति विद्यादेवी भण्डारीले फिर्ता पठाएको नागरिकता विधेयक पास गर्न बिहीबार संसद बैठकमा भएको छलफलमा सहभागी हुँदै उनले यस्तो बताएका हुन्।
'गठबन्धनभन्दा ठूलो देश हो, जनता हुन्। गठबन्धन दलले देश डुबाउने काम नगरुन्', उनले भने, 'राष्ट्रपतिले आठ बुँदामा छलफल गर्न पठाएको नागरिकता विधेयक फेरि जस्ताको तस्तै पठाउने तयारी भएको छ। यो एकदमै गलत हुँदैछ।'
सांसद गिरीले राष्ट्रपतिले फिर्ता पठाएको कुरा एकदमै ठीक रहेको बताएका छन्। उनले राष्ट्रपतिले छलफल गर्न आवश्यक भनेका ८ बुँदामा कुरै नगरी सत्ता गठबन्धनले जस्ताको तस्तै पास गर्न खोज्नु आपत्तिजनक रहेको पनि बताए।
प्रतिक्रिया