राजनीति


सत्ता गठबन्धन : केही सिटमा दोहोरो दाबीले हस्ताक्षर हुन सकेन

सहमति जुटाउन भोलि बिहान अर्को बैठक
सत्ता गठबन्धन : केही सिटमा दोहोरो दाबीले हस्ताक्षर हुन सकेन

फाइल तस्बिर


नेपालखबर
असोज १८ , काठमाडौँ

दलहरुको दोहोरो दाबीले सत्तारुढ गठबन्धनको सोमबार बिहानदेखि बसेको बैठकबाट सहमति जुट्न सकेन।

बिहान ८ बजेदेखि साँझसम्म बसेको बैठकमा ६ भन्दा धेरै स्थानमा दलहरुको दोहोरो दाबी कायमै रहेपछि सोमबार सहमतिमा हस्ताक्षर हुन सकेन। 

गठबन्धन बैठकमा सहभागी एक नेताका अनुसार नेपाली कांग्रेस र जनता समाजवादी पार्टीबीच २ सिटमा कुरो मिल्न बाँकी छ। दुवै दलले दाबी गरेपछि ती २ सिटमा सोमबार सहमित बनेन। 

त्यसैगरी नेकपा माओवादी केन्द्र र एकीकृत समाजवादीबीच पनि २ सिटमा दोहोरो दाबी कायमै छ। अर्कातिर कांग्रेस र माओवादीबीच पनि २ सिटमा कायम दोहोरो दाबी यथावत छ। यसबारे पनि मंगलबारको बैठकमा सहमति जुट्ने दाबी नेताहरुले गरेका छन्। 

तर ती नेताका अनुसार गठबन्धनका दलहरुले दोहोरो दाबी भएकामध्य धेरै क्षेत्रमा सहमति जुटाएका छन्।

प्रधानमन्त्रीको सरकारी निवास बालुवाटारमा बसेको गठबन्धन बैठकले सिट बाँडफाँटमा सहमतिको रुपरेखा तयार पारे पनि दोहोरो दाबीले कुरो नटुंगिएको हो।

यद्यपि सहमति मस्यौदा तयार पार्न गठन गरेको कार्यदल,पाँचै दलका शीर्ष नेतृत्व र गठबन्धन संयन्त्रबीचको बैठक सहमति उन्मुख भएको एक नेताले जानकारी दिएका छन्।

'प्रतिनिधि सभाको १६५ र प्रदेश सभाका ३३० सिटमध्य दोहोरो दाबी भएका धेरैमा सहमति जुटिसकेको छ', ती नेताले भने, 'अब फेरि भोलि बिहान ८ बजे बैठक बसेर दोहोरो दाबी भएका बाँकी स्थानमा पनि सहमति जुटाउनेछ।'

गठबन्धनबीच कुरा नमिलेको भन्दै जनता समाजवादी पार्टी (जसपा) ले अन्य दलसँग मिल्ने विकल्प खुला राखेको थियो। उसले एमाल‍ेसँग तालमेलका लागि संवाद पनि थालिसकेको थियो। 

'अब सहमति गरेर हस्ताक्षर हुने सम्भावना बढेको छ, भोलि बिहानको बैठकमा केही घोषणा हुन सक्छ,' ती नेताले नेपालखबरसँग भनेका छन्।

असोज १७, २०७९, साेमबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
पिनाकी राय
बिजनेश एड्भाइजर
सविन पोखरेल
लेखा तथा प्रशासन प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.
ad ad