बझाङमा उपनिर्वाचनको मतगणना जारी रहँदा नेपाली कांग्रेस र नेकपा एमालेबीच रोचक प्रतिस्पर्धा देखिएको छ।
सार्वजनिक पछिल्लो मतपरिणाम अनुसार नेपाली कांग्रेसका अभिषेकबहादुर सिंहले ९ हजार १६७ मतसहित अग्रता कायम राखेका छन्।
उनलाई नेकपा एमालेका दमनबहादुर भण्डारीले ९ हजार ८४ मतसहित पछ्याइरहेका छन्।
उनीहरुबीचको मतान्तर ८३ मात्रै छ।
मुख्य निर्वाचन अधिकृतको कार्यालयका अनुसार नेकपा माअोवादी केन्द्रका जनकबहादुर बुढाले ३ हजार ५३५ मत ल्याएका छन्। नेकपा एकीकृत समाजवादीका दिलबहादुर सिंहले २ हजार ३४७ मत ल्याएका छन्।
बझाङ प्रतिनिधि सभा १ को प्रदेश सभा (१) तर्फ शनिबार सम्पन्न मतदानको मतगणना जारी छ। यस क्षेत्रमा पर्ने जयपृथ्वी नगरपालिका, छबिसपाथीभेरा गाउँपालिका, खप्तडछान्ना गाउँपालिका, सुर्मा गाउँपालिका र मष्टा गाउँपालिका र थलारा गाउँपालिकाको वडा नम्बर ९ को मतगणना सकिएको छ।
आइतबार दिउँसोदेखि सुरु भएको मतगणनामा अहिले तलकोट गाउँपालिकाको मत गणना भइरहेको छ। यसपछि साइपाल गाउँपालिकाको मत गणना हुनेछ।
Shares
प्रतिक्रिया