युनिकोड
विशेष राजनीतिक परिस्थितिका कारण यस वर्ष मुलुकमा तीन जना प्रधानमन्त्री भएका छन्।
गत फागुन २१ गतेको प्रतिनिधिसभा सदस्य निर्वाचनमा सबैभन्दा ठूलो दल बनेको राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) शुक्रबारदेखि नयाँ प्रधानमन्त्री भएका छन् भने निर्वाचन गराउने मुख्य दायित्व लिएर प्रधानमन्त्री बनेकी सुशीला कार्की बिदा भएकी छन्।
भ्रष्टाचार अन्त्य, सुशासन कायम र सामाजिक सञ्जालको नियमित सञ्चालनको माग राखेर गत भदौ २३ र २४ गते भएको जेनजी आन्दोलनपछि तत्कालीन प्रधानमन्त्री केपी शर्मा ओलीले पदबाट राजीनामा दिएका थिए।
गत भदौ २७ गते प्रधानमन्त्रीमा नियुक्त कार्कीको सिफारिमा राष्ट्रपति रामचन्द्र पौडेलबाट प्रतिनिधिसभाको विघटन भई निर्वाचनको मिति घोषणा भएको थियो।
गत फागुन २१ गते भएको प्रतिनिधि सभा निर्वाचनमा रास्वपाले १८२ सिट जितेपछि बहुमतको सरकार गठन गरेको हो।
संविधानको धारा ७६ (१) अनुसार गठन भएको वर्तमान सरकारसँग भ्रष्टाचारको अन्त्य, सुशासन कायम र प्रभावकारी सेवा प्रवाहका क्षेत्रमा काम गरिनुपर्ने जनअपेक्षा छन्।
प्रतिक्रिया