युनिकोड
गृह मन्त्रालयले ५ जिल्ला र कसुरजन्य सम्पत्ति व्यवस्थापन विभागका महानिर्देशक हेरफेर गरेको छ। गृहमन्त्री सुधन गुरुङले आइतबार एकसाथ सात जनाको सरुवा गरेका हुन्।
सरुवा हुनेमा ४ सहसचिव र ३ जना उपसचिव छन्। कसुरजन्य सम्पत्ति व्यवस्थापन विभागको महानिर्देशकमा प्रकाश पौडेललाई जिम्मेवारी दिइएको छ। पौडेल यसअघि गृह मन्त्रालयमा कार्यरत थिए। बढुवासँगै उनलाई त्यहाँ पदस्थापन गरिएको हो।
सहसचिव डा. डिजन भट्टराईलाई बैतडीको प्रमुख जिल्ला अधिकारी, खडानन्द अधिकारीलाई जाजरकोट खटाइएको छ। उनीहरु दुई जनाको पनि बढुवापछि पदस्थापन भएको हो।
ईलाम, पर्सा र संखुवासभाका सहायक प्रमुख जिल्ला अधिकारी पनि फेरिएका छन्।
जाजारकोटका प्रजिअ राजुप्रसाद पौडेललाई इलाम, बैतडीका कृष्ण थापालाई पर्सा र पर्साका सहायक प्रजिअ सुमनकुमार कार्कीलाई संखुवासभाको सहायक प्रजिअका रुपमा सरुवा गरिएको छ। कसुरजन्य सम्पत्ति व्यवस्थापन विभागका महानिर्देशक सुमन घिमिरेलाई गृह मन्त्रालय सरुवा गरिएको छ।
प्रतिक्रिया