युनिकोड
विपक्षी दल राष्ट्रिय प्रजातन्त्र पार्टी (राप्रपा) ले सर्वदलीय बैठक बोलाउन सभामुख डोलप्रसाद अर्यालसँग माग गरेको छ।
प्रधानमन्त्री वालेन्द्र साहले नेपालले पनि भारतको धेरै ठाउँमा मिचेको छ भनि दिएको अभिव्यक्तिप्रति आपत्ति जनाउँदै आएको उक्त पार्टीकी प्रमुख सचेतक खुश्बु ओलीले राष्ट्रको गरिमासँग जोडिएको विषयमा छलफल गर्नका लागि दलहरूका शिर्ष नेताहरूसहितको सहभागिता हुनेगरी सर्वदलीय बैठक बोलाउन सभामुख अर्यालको ध्यानाकर्षण गराएकी हुन्।
उनले प्रधानमन्त्री शाहको उक्त अभिव्यक्ति सच्याउनुको विकल्प नभएको अडान पनि राखिन्। प्रमुख सचेतक ओलीले संसदलाई पेलेर अघि बढाउने प्रयास नगर्न सभामुख अर्याललाई सचेत पनि गराइन्।
उनले भनिन्, ‘तपाईंले पेलेर सदन चलाउनु भन्दा पनि सबै दलका शिर्ष नेताहरूलाई डाकेर, विधायकहरूलाई डाकेर एउटा छलफल राखौँ। हामी यो मुद्दा राष्ट्रको गरिमासँग जोडेर हेरौँ। र, प्रधानमन्त्रीज्यूलाई पनि आफनो अभिव्यक्ति सच्याउन र यसमा स्पष्टीकरण दिन अनुरोध गर्न चाहन्छौँ।’
प्रमुख सचेतक ओलीले प्रधानमन्त्री बालेन्द्र साहले संसदमा त्रुटीपूर्ण अभिव्यक्ति सच्याउन नमिल्ने गरी अन्तराष्ट्रियकरण भएको भन्दै आपत्ति समेत जनाइन्।
प्रतिक्रिया