युनिकोड
नेपाली कांग्रेसका नेता रमेश लेखकले नयाँ सरकार बन्ने परिस्थिती अझै नबनेको बताएका छन्।
सरकारको नेतृत्व लिन कांग्रेस तयार भएपनि सरकार बन्ने परिस्थिति अझै नबनेको उनले बताए।
सानेपा पार्टी कार्यालयमा सोमबार बसिरहेको पदाधिकारी र पूर्व पदाधिकारीको बैठकपछि पत्रकारलाई जानकारी दिँदै नेता लेखकले सरकार बन्ने परिपक्क अवस्था नबनेको बताएका हुन्।
‘नेपाली कांग्रेसले वैकल्पिक सरकार दिने आवश्यकता पर्यो भने दिन्छौं भनेकै छौं। अहिले परिस्थिति सुनिश्चित र अवस्था परिपक्व भइसकेको छैन’ लेखकले भने ‘सरकार बनाउन परिस्थिति सुनिश्चित हुनुपर्छ, अवस्था परिपक्व हुनुपर्छ।’
बैठकमा क्रियाशील सदस्यबारे छलफल भएको उनले बताए। कांग्रेसको क्रियाशील सदस्यताको भोलि चैत १० गते सम्ममा टुंगो लगाउनुपर्नेछ। कांग्रेस पदाधिकारी बैठक अहिले पनि जारी छ।
प्रतिक्रिया