समानुपातिकमा सहभागी ४७ दलमा कसको हैसियत कति? हेर्नुहोस् मतको सूची

यही मंसिर ४ गते भएको प्रतिनिधि सभा सदस्य तथा प्रदेशसभा सदस्य निर्वाचनको नतिजा आउने क्रम अन्तिम चरणमा पुगेको छ। प्रत्यक्षतर्फ अहिलेसम्म १६१ क्षेत्रको अन्तिम मतपरिणाम आइसकेको छ भने अब ४ क्षेत्रको नजिता आउन मात्र बाँकी छ।

बाँकी क्षेत्रमध्ये सुनसरी ४ मा मत गणना जारी छ भने स्याङ्जा २ र बाजुराको मत गणना हुन बाँकी छ। दोलखामा भने पुनः मतदान गराउने तयारी छ।

१६१ क्षेत्रको नजिता आउँदा नेपाली कांग्रेसले सबैभन्दा बढी ५४ सिट जितेको छ भने दोस्रोमा नेकपा एमालेले ४४ स्थानमा विजय प्राप्त गरेको छ।

माओवादी केन्द्रले १७ सिट जितेको छ भने नेकपा एकीकृत समाजवादीले १० स्थानमा मात्र जित हासिल गरेको छ।

राष्ट्रिय स्वतन्त्र पार्टी, राष्ट्रिय प्रजातन्त्र पार्टी र जनता समाजवादी पार्टीले बराबर ७/७ स्थानमा जितेका छन् भने लोकतान्त्रिक समाजवादी पार्टीले ४ सिट हात पारेको छ। नागरिक उन्मुक्ति पार्टीले ३ स्थानमा जित्दा नेपाल मजदुर किसान पार्टी, जनमत पार्टी र राष्ट्रिय जनमोर्चाले १/१ सिट जितेका छन्। स्वतन्त्र ५ सिटमा विजयी भएका छन्।

प्रतिनिधिसभा समानुपातिकतर्फको मत गणना पनि अन्तिम चरणमा पुगेको छ। यो खबर तयार पार्दासम्म १ करोड ८ हजार ३ सय २ मत गनिसकिएको निर्वाचन आयोगले जनाएको छ।

आयोगको तथ्यांकअनुसार अहिलेसम्म प्रत्यक्षतर्फ पनि सिट जितेका नेकपा एमाले, नेपाली कांग्रेस, नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी र जनमत पार्टीले मात्र थ्रेस होल्ड (३ लाख २० हजार मत) कटाएका छन्।