सुनसरी क्षेत्र नम्बर ४ मा नेपाली कांग्रेसका उम्मेदवार ज्ञानेन्द्रबहादुर कार्कीसँगको मतान्तर नेकपा एमालेका जगदीशप्रसाद कुसियैतले घटाएका छन्।
मतगणना अन्तिम चरणमा पुग्दै गर्दा कुसियैतले कार्कीसँगको मतान्तर घटाएर १ सय ५४ मा झारेका हुन्।
ताजा अवस्थामा कार्कीले २७ हजार १७१ र कुसियैतले २७ हजार १७ मत ल्याएका छन्।
निर्वाचन अधिकृतको कार्यालयले भोक्राह-नरसिंह ७ र बराहक्षेत्र वडा नम्बर ११ को मत गनिरहेको छ। यी दुई वडाको मत गन्दा कुसियैतले मतान्तर घटाएका हुन्।
भोक्राहा-नरसिंह गाउँपालिका ७ र बराहक्षेत्र नगरपालिका ११ को जम्मा ५,६९४ मत गनिएको हो।
त्यसपछि अब एमाले उम्मेदवार कुसियैतको घर रहेको कोसी गाउँपालिका ६ को मत गनिनेछ। जहाँ उनको बलियो पकड छ।
उता कार्कीको पकड भएको भनिएको बराहक्षेत्र नगरपालिका १० को पनि मत गनिँदैछ। यी दुई ठाउँमा ५ हजार ८१८ मत छ। यिनै दुई ठाउँको मतले कार्की र कुसियैतमध्ये एकको जित पक्का गर्ने छ।
Shares
प्रतिक्रिया