प्रदेश १


प्रदेश १ का ६ सहरमा बाढी नियन्त्रणका लागि परियोजना

प्रदेश १ का ६ सहरमा बाढी नियन्त्रणका लागि परियोजना

सुमन पुरी
भदौ २३ , काठमाडौँ

प्रदेश नम्बर १ का ६ वटा सहरमा बाढी नियन्त्रण तथा ग्रामीण क्षेत्रका सडक स्तरोन्नतिका लागि इस्टर्न अर्वान कोरिडोर परियोजना सुरु हुन लागेको छ।

प्रदेश १ का विराटनगर महानगरपालिका, इटहरी, धरान उपमहानगरपालिका, दुहवी इनरुवा र दमक नगरपालिकामा यो परियोजना सुरु गर्न लागिएको हो। 

हरेक वर्ष बाढी र डुबानले धनजनको क्षति भएपछि एसियाली विकास बैंक (एडीबी) को सहयोगमा यो परियोजना सञ्चालन गर्न लागिएको हो।

५ वर्षमा सक्ने परियोजनाका लागि सरकारले सम्झौता गरिसकेको छ। सरकारसँगको सम्झौतापछि एडीबीले ती पालिकाको डुबान समस्या र समाधाना लागि अध्ययन गरिसकेको इटहरी उपमहानगरका भौतिक पूर्वाधार विज्ञ अर्जुन दहालले बताए। 

उनका अनुसार इटहरीमा सो परियोजनाअन्तर्गत बूढीखोला र शेराखोलामा तटबन्ध गरिने छ। यस्तै ट्यांग्रा खोलाको डाइभर्सन गरी बूढीखोलामा मिसाउन योजनासहित प्रस्ताव गरिएको दाहालले बताए। 

सोही परियोजनाअन्तर्गत बूढीखोलाको तटबन्धमा सडक निर्माण तथा सौन्दर्यकरण गर्ने र अन्य ग्रामीण क्षेत्रलाई जोड्ने सडकको स्तरोन्नतिका लागि समेत प्रस्ताव गरिएको दाहालले जानकारी दिए। 

विराटनगरमा भने एकीकृत फोहोर व्यवस्थापनको केन्द्र, बाढी र डुबान समस्याको दीर्घकालीन समाधानका लागि नाला निर्माण, सहरी सडक पूर्वाधार, प्रादेशिक बसपार्क निर्माण र ल्यान्डपुलिङका लागि डीपीआरको काम सुरु भइसकेको छ।

विराटनगरमा यसअघि पनि एडीबीको सहयोगमा सहरी विकास परियोजना (आरयूडीपी) सञ्चालन भएको थियो। 

यो कार्यक्रम भने तेस्रो चरणको कार्यक्रम भएको र यसका लागि एडीबीले काम सुरु गरेको छ। 

एडीबीका प्रतिनिधिहरूले केही दिनअघि महानगरका मेयर नागेश कोइराला र उपमेयर शिल्पा निराला कार्कीसित भेटेर हालसम्म भएका प्रगतिका विषयमा छलफल गरेको थियो। 

क्षेत्रीय सहरी विकास परियोजना (आरयूडीपी) अन्तर्गत यसअघि विराटनगरको विकासमा नेपाल सरकारसँगको साझेदारीमा एडीबीले ६ अर्बभन्दा बढी लगानी गरिसकेको छ। 

एडीबीको टोलीले यसभन्दा अघि सञ्चालित परियोजनाहरूको अनुगमनसमेत गरेको थियो।

भदौ २३, २०७९, बिहीबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
पिनाकी राय
बिजनेश एड्भाइजर
सविन पोखरेल
लेखा तथा प्रशासन प्रमुख
सुरेन्द्र रिजाल
निर्देशक, अटो संस्करण
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.
ad ad