इलाममा जिप दुर्घटना हुँदा दुई जनाको मृत्यु भएको छ।
झापाबाट इलाम आउँदै गरेको प्रदेश १–०१–००१ च ७९१६ नम्बरको पिकअप जिप अनियन्त्रित भई सडकदेखि करिब पाँच सय मिटर तल खस्दा दुर्घटना भएको हो।
मेची राजमार्गको रोङ गाउँपालिका–४ पहिरोमा पिकअप दुर्घटना भएको जिल्ला प्रहरी कार्यालयका सूचना अधिकारी गङ्गाबहादुर थापाले जानकारी दिए।
उनकाअनुसार दुर्घटनामा परी झापाको मेचीनगर नगरपालिका–४ बस्ने वर्ष ५५ का रमेश थापा र सोही स्थान वस्ने वर्ष ४० का सूर्यबहादुर थापाको घटनास्थलमा नै मृत्यु भएको हो।
दुर्घटनामा जिप चालक मेचीनगर–४ बस्ने वर्ष ३३ का अर्जुन कोइराला गम्भिर घाइते भएका छन्। उनलाई उपचारका लागि झापाको विएण्डसी अस्पताल लगिएको छ।
घटनाका विषयमा थप अनुसन्धान भइरहेको प्रहरीले जनाएको छ। रासस
15
Shares
प्रतिक्रिया