नेपालको मौसममा पश्चिमी न्यून चापीय प्रणालीको सामान्य प्रभाव जारी छ। मौसम पूर्वानुमान महाशाखाले आज (शनिबार) बिहान ६ बजे जारी गरेको बुलेटिनअनुसार अहिले पहाडी भेगमा आंशिक बदली र देशका अन्य स्थानमा मौसम सामान्यतया सफा छ।
दिउँसो भने प्रदेश १ र बागमती प्रदेशका पहाडी भेगमा आंशिक बदली रही देशका बाँकी स्थान र अन्य प्रदेशमा मौसम सामान्यतया सफा रहने सम्भावना रहेको महाशाखाको बुलेटिनमा उल्लेख छ। यस क्रममा प्रदेश १ र बागमती प्रदेशका पहाडी भेगका एक वा दुई स्थानमा मेघगर्जन/चट्याङसहित हल्का वर्षा हुने सम्भावना पनि छ।
महाशाखाका अनुसार आज राति पनि प्रदेश १ र बागमती प्रदेशका पहाडी भेगमा आंशिक बदली रही देशका बाँकी स्थान र अन्य प्रदेशमा मौसम सामान्यतया सफा रहनेछ।
30
Shares
प्रतिक्रिया