अहिले (शनिबार) देशका विभिन्न स्थानमा वर्षा भइरहेको छ। मौसम पूर्वानुमान महाशाखाकी मौसमविद् विनु महर्जनका अनुसार पछिल्लो एक घण्टायता गोरखा, तनहुँको बन्दीपुर, भरतपुर विमानस्थल, मकवानपुर, चितवनको रामपुर, काठमाडौं विमानस्थल, र सर्लाहीलगायत क्षेत्रमा वर्षा भइरहेको छ।
‘काडमाठौं उपत्यकामा पनि अपराह्नपछि मेघगटर्जन/चट्याङसहित वर्षाको सम्भावना छ’, महर्जनले शनिबार बिहान नेपालखबरसँग भनिन्, ‘हावाहुरी पनि आउन सक्छ।
महाशाखाले बिहान ६ बजे जारी गरेको मौसम पूर्वाुनमान बुलेटिनअनुसार आज दिउँसो प्रदेश १, मधेस प्रदेश, बागमती प्रदेश र गण्डकी प्रदेशलगायत देशका पहाडी भेगमा आंशिकदेखि सामान्य बदली रही बाँकी स्थानमा आंशिक बदली रहनेछ। साथै प्रदेश १, मधेश प्रदेश र बागमती प्रदेशलगायत देशको पहाडी भूभागका केही स्थानमा मेघगर्जन/चट्याङ र हावाहुरीसहित हल्का देखिमध्यम वर्षाको सम्भावना रहेको महाशाखाले जनाएको छ।
राति प्रदेश १, मधेस प्रदेश, बागमती प्रदेश र गण्डकी प्रदेश लगायत देशका पहाडी भेगमा आंशिकदेखि सामान्य बदली रही बाँकी स्थानमा आंशिक बदली रहनेछ। यस क्रममा प्रदेश १, मधेश प्रदेश, बागमती प्रदेश , गण्डकी प्रदेश र लुम्बिनी प्रदेशका थोरै स्थानहरुमा मेघगर्जन/चट्याङ र हावाहुरीसहित हल्का देखि मध्यम वर्षाको सम्भावना छ।
महाशाखाले आगामी २४ घण्टाका लागि चेतावनी तथा परामर्श पनि जारी गरेको छ।
जसमा भनिएको छ : प्रदेश १, मधेश प्रदेश, बागमती प्रदेश, गण्डकी प्रदेश र लुम्बिनी प्रदेश लगायत देशका पहाडी भूभागका केही स्थानमा मेघगर्जन/चट्याङ र हावाहुरीसहित हल्कादेखि मध्यम वर्षाको सम्भावना रहेकोका आवश्यक सतर्कता अपनाउन हुन सबैमा अनुरोध छ।
Shares
प्रतिक्रिया