समाज


हरिवनमा छाडा कुकुरको आतंक, एकैदिन १० जनालाई टोक्यो

हरिवनमा छाडा कुकुरको आतंक, एकैदिन १० जनालाई टोक्यो

नेपालखबर
जेठ १४ , सर्लाही

सर्लाहीको हरिवन नगरपालिका क्षेत्रमा कुकुर आतंक बढेको छ। 

शुक्रबार मात्रै हरिवनको ७, ८ र ११ नम्बर वडामा गरेर करिब १० जनालाई छाडा कुकुरले टोकेको छ। त्यसरी टोक्दै हिँड्ने कुकुर बहुलाएको हुन सक्ने आशंका स्थानीयले गरेका छन्।

शुक्रबार दिनभरीमा कुकुले टोकेका ७/८ जना बिरामी उपचारको लागि हरिवनस्थित नमूना अस्पताल पुगेका छन्। अस्पतालका डाक्टर सन्तोष यादवका अुनसार त्यसरी जानेमा केही बालबालिका छन्।

‘हिजो एकैदिन कुकुरले टोकेका धेरै बिरामी उपचारको लागि यहाँ आउनु भयो। केही बालबालिकालाई घाँटीभन्दा माथिको भागमा टोकेको पाइयो,’ डा.यादवले भने, ‘घाँटीभन्दा माथिको भागमा बहुलाहा कुकुरले टोक्यो भने खतरा बढी हुन्छ। त्यस्ता बिरामीलाई उपचारको लागि तुरुन्तै काठमाडौं रिफर गरेका छौँ।’

हरिवन ८, बेताली घर भएका तारानाथ पोखरेलका पाँच वर्षीय छोरा श्रेयानलाई शुक्रबार साँझ घरको आँगनमै खेलिरहेको बेला कुकुरले टोकेको छ। कान, गर्घनसहित घाँटी भन्दा माथिल्लो भागमा कुकुरले टोकेको कारण उनलाई राति नै उपचारको लागि काठमाडौं लगिएको छ।

हरिवन नगरपालिकाका मेयर कमल बुढाथोकीले कुकुरले टोकेका बिरामीलाई उपचारको व्यवस्था मिलाइने बताए। ‘कुकुरले टोकेका पीडितले सम्पर्क गर्नुहोला। हामी उपचारको व्यवस्था मिलाउने छौँ,’ बुढाथोकीले भने। उनले हरिवनमा खिच्चा कुकुर नियन्त्रणको लागि नगरपालिकाले पहल गर्ने पनि बताए।

हरिवन- ८ का वडाध्यक्ष प्रज्वल ढुंगानाले कुकुरले टोकेका धेरैजना बिरामी आफ्नो सम्पर्कमा आएको बताए। उनले तत्कालको लागि कुकुरले टोेकेका बिरामीलाई उपचारको व्यवस्था मिलाइने र दीर्घकालिन रुपमा छाडा कुकुर नियन्त्रणको पहल गरिने जानकारी दिए। 

हरिवन- ८ का केही किसानका खसी, बाख्रा र कुखुरा पनि छाडा कुकुरले टोकेर मारेको छ। समूहमा हिँड्ने त्यस्ता कुकुरले पशुचौपायालाई बाँधेकै ठाउँमा गएर आक्रमण गर्ने गरेको किसानहरुले बताएका छन्। 

जेठ १४, २०७९, शनिबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
सुरेन्द्र रिजाल
निर्देशक, अटो संस्करण
सविन पोखरेल
लेखा तथा प्रशासन प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

सम्पादक
अरुण बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.
ad ad