चितवनका अधिकांश विद्यालयमा गर्मी बिदा

उनले भने, ‘राप्तीमा २ भेग छ पहाडी इलाकामा खासै गर्मी बिदाको आवश्यक हुँदैन भने तराई भेगमा गत हप्ता पनि बिदा दिइएको थियो अहिले पनि विद्यालयले आवश्यकताअनुसानर बिदा दिँदै आएका छन्।’
         
माडी नगरपालिकाकी शिक्षा, युवा तथा खेलकुद शाखा प्रमुख सुनिता खतिवडाले माडीमा गत सातादेखिनै बिहानी कक्षा सञ्चालन गर्दै आएको बताए। उनले बालबालिकालाई गर्मी भयो भन्ने अभिभावकको गुनासो आएसँगै बिहानी कक्षा सञ्चालन गर्ने निर्णय गरिएको र हाल माडीमा पठनपाठन नियमित सञ्चालन हुँदै आएको राससलाई जानकारी दिए।
 
चितवनको अधिकांश पहाडी क्षेत्रमा पर्ने एक मात्र गाउँपालिका इच्छाकामना गाउँपालिकामा भने गर्मीको खासै असर देखिएको छैन। पालिकाका अध्यक्ष दानबहादुर गुरुङले इच्छाकामनामा गर्मी बिदाको कुनै निर्णय नभएको बताए। पहाडी क्षेत्रमा गर्मीको असर कम हुने हुँदा बिदा नै गरेर पठनपाठन बन्द गर्नु नपर्ने उनको भनाइ छ। रासस