युनिकोड
काठमाडौँ महानगरपालिकाविरुद्ध कबाड व्यवसायीहरूले प्रदर्शन गरेका छन्।
सोमबार उनीहरूले भृकुटीमण्डपदेखि कमलादीस्थित काठमाडौँ प्लाजासम्म र्याली निकालेका थिए।
व्यवसायीहरूले सर्वोच्च अदालतको आदेश विपरीत महानगरले कबाड व्यवसायमाथि तोडफोड, जबर्जस्ती र नियन्त्रणकारी गतिविधि गरेको आरोप लगाएका छन्।
उनीहरूका अनुसार, लाखौं नागरिकको जीविकासँग सम्बन्धित यस व्यवसायलाई व्यवस्थापन र संरक्षण गर्नुको सट्टा दमनात्मक ढंगले व्यवहार गरिएको छ।
आम जनता पार्टी (आजपा)का अध्यक्ष प्रभु साहले हजारौं परिवारको रोजीरोटीसँग जोडिएको पेसालाई सुरक्षित, व्यवस्थित र मर्यादित बनाउनुपर्नेमा महानगरले उल्टै तोडफोड, कुटपिट जस्ता काम गरेर जनताको हक अधिकारमाथि धक्का पुर्याएको आरोप लगाए।
यसअघि पनि कबाड व्यवसायीहरू महानगरको अभियानविरुद्ध विभिन्न चरणमा आन्दोलित हुँदै आएका छन्।
प्रतिक्रिया