युनिकोड
विभिन्न स्थानमा पाँचजना मृत अवस्थामा फेला परेका छन्। धनुषा, ओखलढुंगा, उदयपुर, संखुवासभा र तनहुँमा आज पाँच जनाको शव फेला परेको प्रहरीले जनाएको छ।
धनुषाको क्षिरेश्वरनाथ नगरपालिका-४ चन्द्रपुरस्थित नालीमा एक वृद्धको शव फेला परेको छ।
हाल नाम, थर र वतन नखुलेका अन्दाजी ७० वर्षीय पुरूष मृत अवस्थामा फेला परेका हुन्।
त्यसैगरि ओखलढुङ्गाको चम्पादेवी गाउँपालिका-१ स्थित सुनकोशी नदीमा पनि एक पुरुषको शव भेटिएको छ।
रामेछापको रामेछाप नगरपालिका-५ बस्ने ५५ वर्षीय मंगल बहादुर माझी मृत अवस्थामा फेला परेका हुन्।
त्यसैगरि उदयपुरको बेलका नगरपालिका-२ चन्द्रपुरमा पनि एक युवक मृत भेटिएका छन्।
सडक किनारामा मृत भेटिएका युवक बेलका-२ झण्डी टोल बस्ने ३६ वर्षीय जनक राई हुन्।
त्यसैगरि संखुवासभाको खाँदबारी नगरपालिकामा पनि एक युवक मृत भेटिएका छन्।
खाँदबारी-१ स्थित खाँदबारी बसपार्कमा सोही ठाउँ बस्ने ३० वर्षीय सुशिल मंग्रान्ती बिहीबार बिहान मृत अवस्थामा फेला परेका हुन्।
त्यसैगरि तनहुँको देवघाट गाउँपालिका-५ स्थित जरायो खोलामा पनि एक पुरुष मृत भेटिएका छन्।
सोही गाउँपालिका-५ बस्ने ५४ वर्षीय युवराज गुरूङ मृत अवस्थामा फेला परेका हुन्।
यी सबै घटनाका सम्बन्धमा थप अनुसन्धान जारी रहेको प्रहरीले जनाएको छ।
प्रतिक्रिया