युनिकोड
जेठ २ देखि ५ गतेसम्ममा काठमाडौँ महानगरका खोप केन्द्रबाट ४३ हजार १८ जनाले कोभिडविरुद्धको खोप भेरोसेल (चाइनिज खोप) लिएका छन्।
यो संख्या महानगरका वडास्तरीय ३२ वटा खोप केन्द्र र त्रिवि शिक्षण अस्पतालमा भएको एउटा गरी ३३ वटा खोप केन्द्रको संख्या हो। यसमा २३ हजार ४८५ जना पुरुष र १९ हजार ५३३ जना महिला रहेको महानगरले जनाएको छ।
जेठ ५ गते मात्र ५ हजार ८४७ पुरुष र ५ हजार ८९४ जना महिला गरी ११ हजार ७४१ जनाले खोप लिएका थिए।
यीमध्ये सबैभन्दा धेरै वडा २६ को खोप केन्द्र वडा लैनचौर २ हजार ४९२ जनाले खोप लिएका छन् भने त्यसपछि वडा १६ को १६ को बहुउद्देश्यीय मार्सल आर्ट केन्द्र जुडो हल केन्द्रबाट २ हजार ४२७ जनाले खोप लिए।
तेस्रोमा वडा ३२ बाट २ हजार ३८५ जनाले खोप लिएका छन्।
महानगरका ११ वटा वडामा खोप लिनेको संख्या १ हजारभन्दा कम रहेको छ।
यी वडाहरुमा सबैभन्दा थोरै, वडा १९ बाट १ सय ९७ जनाले, त्यसपछि वडा २० मा ३ सय ९४ जना र तेस्रोमा वडा २४ मा ४०८ जनाले खोप लिएका छन्।
त्यसपछि वडा २१, २८, २३, २२, १८, ८, २५ र ३० मा क्रमशः ४ सय १९, ४ सय ४२, ४ सय ८७, ५ सय २५, ७ सय ६, ७ सय २९, ८ सय १३ र ९ सय ५ रहेका छन् ।
स्वास्थ्य तथा जनसंख्या मन्त्रालयको बैशाख २२ गतेको र जिल्ला विपद् व्यवस्थापन केन्द्रको वैशाख २५ गतेको निर्णयअनुसार महानगरपालिकासहित जेठ २ गतेबाट काठमाडौँ जिल्लामा कोविड १९ विरुद्धको चिनियाँ खोप भेरो सेलको दोस्रो मात्रा लगाउन सुरु गरिएको हो।
यसमा ०७७ चैत २५, २६, २७ र २८ गते पहिलो मात्रा खोप लिएकाहरुलाई जेठ २ गते दोस्रो डोज लगाइएको थियो ।
जेठ ११ गतेसम्म चल्ने खोपमा (०७७) चैत २५ गतेदेखि बैशाख १५ गतेसम्म पहिलो मात्रा १८ वर्षदेखि ५९ वर्ष उमेर समूहका व्यक्तिलाई खोप दिइँदैछ । यसका लागि तोकिएका दिनमा तोकिएका आफूलाई नजिक पर्ने खोप केन्द्रमा गएर खोप लगाउने व्यवस्था मिलाइएको छ।
प्रतिक्रिया