युनिकोड
एभरेष्ट प्रिमियर लिग (ईपीएल)को सोमबारको पहिलो खेल टस पनि हुन नसकी स्थगित भएको छ।
कीर्तिपुरस्थित त्रिवि क्रिकेट मैदानमा आज हुने भनिएको काठमाडौं किग्स एलाभेन र विराटनगर वारियर्सबीचको खेल आइतबार परेको पानीका कारण ओसिलो आउट फिल्डका कारण हुन नसकेको हो।
आयोजकका अनुसार खेल अर्को दिन हुने सम्भावना छ।
चिसो मैदानका कारण २ घण्टाभन्दा ढिला गरी सुरु गर्ने तयारी गरिए पनि अम्पाएरले दुई टोलीसँगको छलफलपछि खेल पछि गर्ने निर्णय गरेको हो।
यसअघि भएको पहिलो खेलमा काठमाडौंले ललितपुर प्याट्रियट्समाथि ७ विकेटको जित निकालेको थियो। विराटनगर भने चितवन टाइगर्ससँग २ विकेटले पराजित भएको थियो।
आजै हुने दोस्रो खेलमा भैरहवा ग्लाडियटर्स र चितवन टाइगर्सबीच खेल हुँदै छ।
चितवन लगातार दोस्रो जितको लक्ष्यमा हुँदा भैरहवा पहिलो जितको खोजीमा हुनेछ। पहिलो खेलमा चितवनले विराटनगरलाई २ विकेटले हराएको थियो।
भैरहवाले भने वर्षाका कारण खेल प्रभावित हुँदा पोखरा राइनोज्सँग अंक बाँड्न बाध्य भएको थियो।
प्रतिक्रिया