युनिकोड
फरवार्ड अञ्जन विष्टले नेपाली राष्ट्रिय टोलीका लागि गरेको गोल संख्या ११ पुर्याएका छन्।
बुधबार साँझ दशरथ रंगशालामा भएको पाकिस्तानविरुद्धको मैत्रीपूर्ण खेलमा गोल गरेपछि उनको गोल संख्या ११ पुगेको हो।
पहिलो हाफ गोलरहित रहेको अवस्थामा उनले खेलको ८३ औँ मिनेटमा गोल गर्दै नेपालको जित पक्का गरे।
यसअघि असोजमा भएको बगंलादेशसँगको मैत्रीपूर्णमा खेलमा अन्जनले ह्याटिक गरेका थिए।
खेलको पहिलो हाफमा नेपालले गोलको मौका पाए पनि सदुपयोग गर्न सकेन।
पाकिस्तान फिफाको प्रतिबन्धका कारण ४ वर्षपछि अन्तर्राष्ट्रिय खेलमा फर्किएको हो।
नेपालसँगको खेलसँगै पाकिस्तानले अन्तर्राष्टिय फुटबलमा पुनरागमन गरेको छ।
लामो समयपछि अन्तर्राष्टिय खेल खेलेको पाकिस्तानको टोलीमा फिटनेसको समस्या देखिएको थियो।
आभाषको डेब्यु
पाकिस्तानसँगको मैत्रीपूर्ण खेलबाट आभाष लामिछानेले राष्ट्रिय टोलीमा डेब्यु गरेका छन्।
खेलको ५७ औँ मिनेटमा सेसेहाङ आङदेम्बेको स्थान लिँदै उनी मैदान छिरेका थिए।
यसअघि उमेर समूहमा नेपालको प्रतिनिधित्व गरिसकेका आभाषले टोलीमा परे पनि डेब्यु मौका पाएका थिएनन्।
प्रतिक्रिया