ad ad

सुदूरपश्चिम


राष्ट्रपति र प्रधानमन्त्रीको तस्बिरमा जुत्ताको माला लगाएको आरोपमा २ जना पक्राउ

राष्ट्रपति र प्रधानमन्त्रीको तस्बिरमा जुत्ताको माला लगाएको आरोपमा २ जना पक्राउ

नेपालखबर
जेठ १८, २०८० बिहिबार १५:२३, कञ्चनपुर

राष्ट्रपति र प्रधानमन्त्रीको तस्बिरमा जुत्ताको माला लगाएको आरोपमा कञ्चनपुरमा दुई जना पक्राउ परेका छन्। बिहीबा प्रधानमन्त्री र राष्ट्रपतिको तस्बिरमा जुता हानेको र माला झुण्याएको आरोपमा प्रहरीले राप्रपाका दुई जना कार्यकर्तालाई समातेको हो।

राप्रपा कञ्चनपुर जिल्ला समिती सदस्य जयकिसन बोहरा र भीमदत्त नगर सचिव किसन चन्दलाई प्रहरीले नियन्त्रणमा लिएको छ।

उनीहरूलाई घरबाट प्रहरीले गाडीमा राखेर जिल्ला प्रहरी कार्यालय पु¥याएको हो। 

जेठ १५ गणतन्त्र दिवसको दिन राप्रपाको स्थापना दिवसका अवसरमा आयोजित कार्यक्रमका क्रममा महेन्द्रनगरको भानुचोकमा राप्रपाका केही कार्यकर्ताले राष्ट्रपति र प्रधानमन्त्रीको फोटोमा जुत्ताको माला लगाएका थिए।

ती तस्बिर र भिडिओ सामाजिक सञ्जालमा भाइरल भएपछि प्रहरीले खोजी गरेको थियो। 

राप्रका दुई कार्यकर्तालाई सोधपुछका लागि ल्याइएको जिल्ला प्रहरी कार्यालय कंचनपुरका डीएसपी प्रकाश डाँगीले जानकारी दिए। 

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .