काठमाडौँ उपत्यकाको न्यूनतम तापक्रम ५ डिग्री सेल्सियसभन्दा तल झरेको छ।
मौसम पूर्वानुमान महाशाखाले आज बिहान ८:४५ बजे सार्वजनिक गरेको विवरण अनुसार काठमाडौँ उपत्यकाको न्यूनतम तापक्रम ४.९ डिग्री सेल्सियस देखिएको हो।
यसअघि आजै बिहान ६:४५ बजे उपत्यकाको न्यूनतम तापक्रम ५.५ डिग्री सेल्सियस देखिएको हो। तर आजको आधिकारिक न्यूनतम तापक्रम बिहान ८:४५ कै हुने मौसमविद् बताउँछन्।
हिजो शनिबार काठमाडौँ उपत्यकाको न्यूनतम तापक्रम ६.२ डिग्री सेल्सियस देखिएको थियो।
काठमाडौँ उपत्यकाको न्यूनतम तापक्रम यसअघि ४.५ डिग्रीसम्म झरेको छ।
यही पुस ५ गते काठमाडौँ उपत्यकाको न्यूनतम तापक्रम ४.५ डिग्री सेल्सियस देखिएको र उपत्यकाका लागि यो नै यस वर्षको अहिलेसम्मको कम न्यूनतम तापक्रम भएको मौसमविद् रोजन लामिछानेले जानकारी दिए।
Shares
प्रतिक्रिया