खेल


विश्वकप खेल्न जानुअघि रोहितले भने– दाइहरूले गर्नुभयो, अब हाम्रो पालो

विश्वकप खेल्न जानुअघि रोहितले भने– दाइहरूले गर्नुभयो, अब हाम्रो पालो

टी–२० विश्वकप खेल्न भोलि (शनिबार) नेपाली राष्ट्रिय टोली अमेरिका प्रस्थान गर्दै छ (तस्बिर : सरोज नेपाल)


नेपालखबर
बैशाख २१, २०८१ शुक्रबार २२:२९, काठमाडौँ

नेपाली क्रिकेट टोलीका कप्तान रोहित पौडेलले टी–२० विश्वकपका लागि आफूहरूको तयारी राम्रो भएको बताएका छन्। 

शुक्रबार साँझ होटल सोल्टीमा क्यानले आयोजना गरेको बिदाइ कार्यक्रममा बोल्दै उनले नयाँ खेलाडीलाई उत्साहित बनाउँदै अघि बढ्ने पनि बताए। 

‘लेजेन्ड दाइहरूले गर्नुभयो, अब हाम्रो पालो हो,’ रोहितले संक्षिप्त प्रतिक्रियाका क्रममा भने, ‘नयाँ प्लेयरलाई इन्स्पायर गर्नेछौँ।’

टी–२० विश्वकप खेल्न भोलि (शनिबार) नेपाली राष्ट्रिय टोली अमेरिका प्रस्थान गर्दै छ। सोही टोलीलाई शुक्रबार क्यानले बिदाइ कार्यक्रम आयोजना गरेको थियो। 

सो कार्यक्रममा सहभागी हुन उपप्रधान एवं गृहमन्त्री रवि लामिछानेसहित युवा तथा खेलकुदमन्त्री विराजभक्त श्रेष्ठ पनि पुगेका थिए। 

१० वर्षपछि नेपालले विश्वकप खेल्न लागेको हो। 

वेस्ट इन्डिज र अमेरिकामा हुने विश्वकपअन्तर्गत ९ स्थानमा ५५ खेल हुनेछन्। कुल २८ दिन चल्ने विश्वकपमा २० टोलीले स्पर्धा गर्नेछन्।

सहभागी २० टोलीलाई चार समूहमा विभाजन गरिएको छ। 

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .