युनिकोड
नेपालमा मोबाइल बैंकिङ प्रयोग गर्ने ग्राहकको संख्या १ करोड ९४ लाख नाघेको छ।
नेपाल राष्ट्र बैंकका अनुसार कात्तिक मसान्तसम्म क, ख र ग वर्गका बैंक तथा वित्तीय संस्थाका मोबाइल बैंकिङ प्रयोग गर्ने ग्राहक १ करोड ९४ लाख ३ हजार ६ सय ८० पुगेको हो।
तिनमा क वर्गका बैंकका मात्रै यस्ता ग्राहक १ करोड ६९ लाख ३४ हजार २ सय १९ छन्। त्यस्तै ख वर्गका यस्ता ग्राहक २३ लाख ४७ हजार २ सय ५१ र ग वर्गका १ लाख २२ हजार २ सय १० रहेका छन्।
त्यस्तै इन्टरनेट बैंकिङका ग्राहक पनि चालू आवको चार महिनासम्म १७ लाख ५० हजार ९ सय ३६ पुगेका छन्। तिनमा क वर्गका संस्थाका १३ लाख ११ हजार ५ सय ८७, ख वर्गका ४ लाख २८ हजार ३ सय ६२ र ग वर्गका १० हजार ९ सय ८७ रहेको राष्ट्र बैंकले जनाएको छ।
प्रतिक्रिया