अर्थमन्त्रीको सक्रियता बढ्यो, बैंकरसँग गरे समसामयिक विषयमा छलफल

अर्थमन्त्री डा. प्रकाशशरण महतले सुरुवाती चरणमा निजी क्षेत्रसँगको प्रत्यक्ष छलफललाई तीव्रता दिएका छन्। 

उनले अर्थ मन्त्रालय मातहतका निकायका पदाधिकारीदेखि निजी क्षेत्रका विभिन्न व्यवसायीसम्मलाई भेटघाट गरिरहेका हुन्। 

यही क्रममा सोमबार उनले नेपाल बैंकर्स संघका पदाधिकारीसँग भेटवार्ता गरेको अर्थमन्त्रीको सचिवालयले जनाएको छ। 

सो क्रममा पछिल्लो समय उठेको ब्याजदर विषयमा छलफल भएको थियो।  

सोमबार भएको भेटमा मन्त्री महतले समसामयिक विषयमा छलफल गरेको बैंकर्स संघका एक अधिकारीले बताए। 

ती अधिकारीका अनुसार बैंकर्स संघले ब्याजदर लगायत तत्कालीन समस्याबारे डा. महतसँग छलफल भएको थियो। यसअघि उनले सेयर लगानीकर्ता र नेपाल धितोपत्र बोर्डका अध्यक्षसँग पनि भेट गरेका थिए। 

• पुँजीबजार सुधारको ठोस योजना बनाउन धितोपत्र बोर्डलाई अर्थमन्त्रीको निर्देशन

• सेयर लगानीकर्तालाई अर्थमन्त्रीले भने- सेयरबजार सुधार गर्न पहलकदमी लिन्छु

• अर्थमन्त्री महतलाई उद्योगी व्यवसायीले दिए ब्याजदर घटाउने सुझाव

• अर्थमन्त्री महतले गभर्नरलाई भने– सहकार्य गरेर समस्या समाधान गरौँ

• अर्थमन्त्रीको पहिलो निर्णय : नगद प्रवाहसम्बन्धी समिति गठन गर्ने