तोलामा ८ सय रुपैयाँले बढ्यो सुनको मूल्य, चाँदीको पनि वृद्धि

सुन र चाँदीको मूल्य बिहीबार बढेको छ। 

सुन तोलामा ८ सय रुपैयाँले र चाँदी १५ रुपैयाँले बढेको हो। 

नेपाल सुनचाँदी व्यवसायी महासंघका अनुसार योसँगै छापावाल सुन १ लाख ४४ हजार ९ सय र तेजाबी सुन १ लाख ४४ हजार २ सय रुपैयाँमा कारोबार भएको छ। 

यता चाँदी १ हजार ८ सय ७० रुपैयाँबाट बढेर १ हजार ८ सय ८५ रुपैयाँमा कारोबार भएको छ। 

अन्तर्राष्ट्रिय बजारमा सुन र चाँदीको मूल्य क्रमशः २ हजार ३ सय ८२ र ३१ अमेरिकी डलर प्रतिऔँस मूल्यमा कारोबार भएको एजेन्सीहरुले जनाएका छन्।