तोलामा १८ सयले बढ्यो सुनको मूल्य, चाँदी ४० रुपैयाँ महँगो

सुनको मूल्य प्रतितोला १ हजार ८ सय रुपैयाँले बढेको छ।

नेपाल सुनचाँदी व्यवसायी महासंघका अनुसार चाँदीको मूल्य पनि प्रतितोला ४० रुपैयाँ उकालो लागेको छ। 

योसँगै बजारमा आज छापावाल सुन १ लाख ४७ हजार ८ सय र चाँदी १ हजार ७ सय ८० रुपैयाँमा कारोबार भएको महासंघले जनाएको छ। 

उता अन्तर्राष्ट्रिय बजारमा समेत सुन आज ८ अमेरिकी डलर प्रतिऔँसका दरले महंगिएको छ। 

योसँगै सुन प्रतिऔँस २ हजार ४ सय १७ अमेरिकी डलर र चाँदी २८ अमेरिकी डलर प्रतिऔँस मूल्यमा कारोबार भएको एजेन्सीहरुले जनाएका छन्।