तोलामै ४ हजार रुपैयाँले घट्यो सुनको मूल्य, आज कति?

सुनको मूल्यमा ठूलो गिरावट आएको छ। 

नेपाल सुनचाँदी व्यवसायी महासंघका अनुसार बिहीबार सुन प्रतितोला ४ हजार रुपैयाँले घटेको हो। 

योसँगै आज सुन १ लाख ६४ हजार ५ सय रुपैयाँमा कारोबार भएको छ। 

यता चाँदीको मूल्यमा पनि गिरावट आएको छ। अघिल्लो दिन २ हजार १५ रुपैयाँमा कारोबार भएको चाँदी आज १ हजार ९ सय ६० रुपैयाँमा कारोबार भएको छ। 

अन्तर्राष्ट्रिय बजारमा सुन ११ डलर हाराहारीमा घटेर प्रतिऔँस २ हजार ६५६ अमेरिकी डलरमा कारोबार भएको एजेन्सीहरुले जनाएका छन्।

त्यसैगरी चाँदी पनि ३१ अमेरिकी डलरमा कारोबार भएको छ।